theater (8373) plattdeutsch (103) friedrichsfehn (6) speelkoppel
In Aprilmaand weer de Speelkoppel van’n OV Friedrichsfehn mit ehr 44. Speeltiet dör un all’s hett best klappt. Speelt wur das Stück „Hydra, övernehmt Se!“ van Norbert Haber, plattdüütsch makt harr dat Wolfgang Binder. De Schauspelers spelen ditmol een Stück ut us Tiet över Frogen un Folg van Digitaliseren.
De Saak wer nich jümmers ganz eenfach. Nikolas (Torsten Bölts) wull sik gern een „intelligente Box“ nömt Hydra köpen. Man sien Fro Annegret (Margrit Lehnen) wull dar partou nich up los. Nikolas‘ Fründ Herbert (Andreas Pargmann), een Technik-Fackmann, hölpt em bi dat Bestellen, ok wenn sien Fro Margret (Bärbel Hilmann) dormit nix an ’e Mütz harr.
Mit „Hydra“ treckt aver ok een minschlichet Evenbild (Andrea Spiekermann) in den Huusholt in un sorgt vör allerhand Undöög. De Swutjee Wolfgang (Holger Spreu) un sien Fro Barbara (Christiane Lampe) sind sünd eerstmal düchtig interessert. Man de Schaddensieten van de „Namaakte Klookheit“ keemen ok up ehr to. Bloots Arvtant Gerda (Rena Seeger) hett van Anfang an Twiefel an den ganzen Digitaliserungskraam un, – un ok an de Anverwandten in allgemeenen.