Vischnaunca Disentis/Mustér | Gemeinde Disentis/Mustér
Description: Sut il num Corporaziun d'aua Spina da Vin exista ina corporaziun d’aua dil dretg public. Igl intschess dalla corporaziun d'aua ensiara il territori en zona da baghegiar naven da Mumpé Tujetsch entochen Disla da vart seniastra dil Rein anteriur.
sax (499) disentis (74) aua (15) mustér (10) pardi (5) spina da vin (1) corporaziun d'aua (1) londernei (1)
Il rapport annual 2022 sa vegnir cargaus giu sut Downloads . Bien divertiment!
La Corporaziun d’aua Spina da Vin ei in’organisaziun da dretg public ed ei responsabla per il provediment d’aua dalla gronda part dalla vischnaunca da Disentis/Mustér. La Spina da Vin ha l’incumbensa da furnir sufficientamein aua da beiber, da diever e stizzar fiug per il territori colligiau. Las 35 tschaffadas furneschan aua d’emprema qualitad che corrispunda allas strentgas prescripziuns legalas, e quei senza tractaments spezials.
Sper il provediment d’aua posseda la Spina da Vin treis ovras hidraulicas, las quallas nezegian la gronda differenza d’altezia denter il territori dallas tschaffadas ed ils reservuars. Per saver garantir da tut temps la segirtad da provediment basegna ei in menaschi modern. Igl ei indispensabel da menar atras in sistem da controlla rigurus e dad investar cuntinuadamein en la vasta infrastructura dil provediment d’aua.
Vischnaunca Disentis/Mustér | Gemeinde Disentis/Mustér