Áslaug Jónsdóttir | writer – illustrator – graphic designer
Description: 🇮🇸 Vefurinn er tileinkaður hrossarækt Vilhjálms Svanssonar, dýralæknis og veirufræðings.🇩🇰 På denne site findes der information om hesteavlen Viljahestar, som drives af Vilhjálmur Svansson PhD, dyrlæge og virolog. 🇬🇧 This website contains information about Viljahestar Horse Breeding, run by Vilhjálmur Svansson PhD, veterinarian and virologist.
Rustikus frá Dýrfinnustöðum sumarið 2019
🇮🇸 Leiðir lágu norður í Skagafjörð um helgina sem leið og þá var tækifærið nýtt til að prófa Rustikus frá Dýrfinnustöðum og taka út tamninguna hjá Björgu Ingólfsdóttur þar á bæ. Rustikus er í sameiginlegri eigu okkar og Ingólfs á Dýrfinnustöðum og er undan Erils dótturinni Heklu frá Eskifirði (8.30) og heiðursverðlaunahestinum Hágangi frá Narfastöðum (8.31). Við félagarnir erum prýðilega ánægðir með tamninguna og folann, sem er léttstígur, hreingengur og viljugur, eins og hann á kyn til.
Þessa sömu helgi fór Björg með bróður Rustikusar að móður, Straum frá Eskifirði í sína fyrstu keppni og komst þar í A-úrslit í fjórgangi ungmenna. Til gamans má geta að með þeim í úrslitunum var einnig annar keppnishestur sem á ættir að rekja til sama forföður, Erils frá Kópavogi, en það var Ösp frá Narfastöðum undan Erlu frá Narfastöðum (8.17).
Áslaug Jónsdóttir | writer – illustrator – graphic designer